يـامـل عينـافـي محـاجـيرهـا شــــوك
والصـدربه عـن لـذه الـنوم دكــــاك
لادك في قلبي من الهم داكــــــــوك
جاوبت طربات الحمايم على الراك
عزي لحالك ياعزيزوانا ابـــــــــوك
كان الزمـان اللي تـوطـاني تـوطـاك
تراه ماينفعك خـالك ولا اخـــــــوك
لاصـار ماتقضي لزومـك بيمـناك
وربعـك الىبان الخـلل فيك عـافـوك
اقـرب قـريب لك من الناس يشناك
ان كثرمـالك صـدقـوالك وطـاعـوك
وان قل مابيدك شانت حلايــــــاك
لوتطلب الماءعندهم منه مااسقوك
ابعدمزارك عن وطنهم ومرباك
وان طاب حظك قربوالك وحبوك
وان بـاربك مـحد يبي غير فرقــاك
وهراجـة المجـلـس الى جيت وروك
منـازل تطـرب نظـيرك بدنيــــــاك
والى قضــوامـنك اللــوزم وخلـوك
تفرقواوأنت احتمل كل مــاجـــاك
كنك ســــراج البيت للـنورشبـــوك
والىأنقضى اللازم حدا الربع طفاك
والى جفوك أهل الوطن وأستخفوك
قلع غريسك منه واهدم ركايــــاك
ترالو ترجع على الرجـل صعلـــوك
احسن من اللي تلـتجي له وياطــاك
وأصحى لخـلان الرخــاءلـــوتغالــوك
اعرف ترى أطيبهم الى احتجت يجفاك
تصبح خـوي امقـيط دهـووك واغـووك
وكل عطــاك ارشـــاك واقفــا وخـــلاك
واحذرمن العيله تـرى الحــــق مدروك
مثل القضـــــــاء يدركك مامنه فكــــاك
واحلم على الجــــاهل ترى الحلم مبروك
وقم للضعيف اللي من الظلم ينخاك
وقم للضيوف اللي عنوالك وضافوك
وأغلا كرامتهم حجاجك وبشراك
واعرف ترىمالك من الضيف مفكوك
لولاه يطلب حاجته منك ماجاك
السبت يناير 08, 2011 3:34 pm
