هناك فرق بين البنت والشب عند الركاب وسائق السرفيس اذا دخلت السرفيس وحصل وراسك خبط الباب اذا كنتي بنت راح تسمعي خير خير صارلك شي ونظرات الشفقه من كل الركاب ويلعنون الشركة اللي صنعت الباص واذا كنت شب راح تسمع الضحك وتسمع الركاب اللعمى ضربو شو مو شايف الباب يفوت جمل واذا بدك تسكر الباب اذا بنت لك شوف الهدوء حتى الباب مالها نفس تخبطو واذا كنت شب وسكرت بهدوء يقلك شوف التشتوش مو قادر يسكر الباب تفه عاى هالجيل واذا بدك تسكر الباب بقوه اذا بنت الله يعينها اكيد معصبه من شي واذا كنت شب ايه فهمنا انك قبضاي كسرت الباب واذا اجاك اتصال بالسرفيس اذا بنت لك ما احلا هالصوت نيالو صاحب الحظ وبعدين تلفونها اريكسون يا اخي مزوقه واذا كنت شب اي تضرب انت واللي دق عليك وطي صوتك صرعتنا اذا الشفير حاط غنيه مزعجه وبصوت عالي وتطلب تغيرها اذا بنت كلو ينط اي اخي غيرها يمكن الها ذكرى حزينه عند البنت واذا كنت شب راح الشوفير يزيد الصوت ويقلك العما بدو يشترينا بالخمس ليرات واذا ماعندك فراطه وطلعت البنت 500 راح يقلها انزلي ولو ماهي محرزه واذا كنت شي راح يدور بيك كل البلد مشان يصرف ال 500 تامل وتخيل يرعاك الله
الجمعة ديسمبر 31, 2010 12:05 am
