قصه حقيقية صارت على أحدى شواطى الخليج
فيه اثنين شباب راحوا على البحر يجلسون على الشاطئ ومعاهم عشاهم
وهم قاعدين يتعشون جتهم عجوز كبيرة في السن
وقعدت تاكل الأكل المنثور على الارض وتأكل.
ولما شافوها قاموا وقالوها انتي جوعانة
قالت أنا هنيه من الصبح و ما أكلت شئ
. جابني ولدي من الصبح وراح وخلاني وقالى راح أجي آخذك بعد شوي.
المهم جابوا لها عشاء وتعشت .
وبعد ما تأخر الوقت شالوا أغراضهم وشافوا الشباب إن الوقت متأخر والجو بدا يبرد
وما يصير يتركون العجوز على الشاطئ بروحها في الليل
وجاء واحد من الشباب وقال لها عندج رقم ولدج نتصل عليه نخليه يجي ياخذج .
قالت العجوز إيه معاي الرقم في الورقه . ولما طلعت الورقه .
شنو تتوقعون مكتوب فيها ؟؟؟؟؟
مكتوب( من يجد هذه المرأ اخذها لدار العجزه ) انصعقوا
الشباب من المكتوب في الورقه وقعدوا ساعه يترجون العجوز تمشي معاهم .
ويحاولون فيها أنها تمشي أي مكان تبيه يودونها له.
أكيد العجوز رفضت أنها تروح معاهم لأن ولدها وعدها إنه يجي يآخذها
وتبى تنطرعلى ما يجي. وكانت تقول ولدي راح يجي يآخذني وأنا راح انطره .
ماتدري المسكينه إن ولدها تنكر لها ورماها في الوقت الي هي في محتاجه له .
المهم راحوا الشباب
عنها وأتركوها على أمل إن ولدهاراح يجي يآخذها حسب وعده لها
في واحد من الشباب قعد يتقلب في الفراش وماقدر ينام
يفكر في مصير العجوز المسكينة
وقام من فراشه وغيرملابسه وركب سيارته وراح للشاطئ.
ولما وصل. شاف الإسعاف والشرطة والناس مجتمعين ودخل بينهم
شاف العجوز قد فارقت الحياة ولما سألهم عن سبب وفاة العجوز
قالو له أرتفع معها الضغط وماتت.
ماتت من خوفها على ولدها يمكن يكون صار له شئ.
ماتت وهي تنطر ولدها يجي يأخذها.
ماتت وهي بعيده عن أهلها.
الله يرحمها برحمته ويدخلها من أوسع ابواب جنته .
أدعوا معي آمين.
أرجو من كل من يقرأ هذه القصه أن ينشرها لتكون موعظه لكل عاق لوالديه
الجمعة يوليو 10, 2009 1:09 pm
