الجدة رشيدة

موضوع: الجدة رشيدة الأربعاء ديسمبر 08, 2010 2:05 pm

اوي الجدة رشيدة.....
بسم الله نبدأ....
يالله حييييييه مع القصه الأولى من حكآوي جدتي رشيده

وبينما انا جالسه عندها بالحوش واتقهوى واقولها عيدي لي القصه تقولي بس انقلعي وشيلي بليتكـ ذا ابرقد
فقلت أمري لله واكتب لكم القصه على فهمي لها
يقولكم طال عمركم...
كان يامكان في قديم العصر والأوان>>وي ياقدمها
كان في رجال يدعى ..~مدري وش اسمه
تزوج حرمه وماجابت عيآآل وراح تزوج عليهآ بارد الوجه
وحتى هي ماجابت عيآآل>>مدته ..مدت مقيط ورشاهـ
وفكر فكر وقال بيجيب لهن حبوب بلكي يحملن
وجاب بارد الوجه للقديمه نص حبه والجديده حبه كامله...أنا اشههد انه نصآآآآب
طبعاً القديمه هي مرته الأولى والجديدهـ"بقراطيسها" مرته الثانيه
وياذكر الله ياصلاتي على النبي كللللللللللللللللووووووووووووش كلهن حملن
والجديده .~>حشى صارت أسماء ذي
ترى عندنا حرمه اسمها جديدهـ والثانيه جوزا طباين والله مدري عنهم بس يقولون هههههههههههههههه
ياخي هذا الجندب مسببلي قلق وجع امس يمشي فوق راسي وصرخت صرخه طيرت معلوماتي حسبي الله عليه واللحين يحووس هينا المشكله امي تقول لاحد يقتله حرام مدري وش هالحنيه ذي
<< شحطت شحطه وحده نرجع لمحورحديثنا
الجديدهـ ..هذي حرمه عندنا ههههه خلآآآص خلآآآص
الجديدهـ جابت ولد كامل والقديمه جابت نص ولد هع
كيف تجي ذي مدري لاحد يسأل
بس تحليلي انها هذيك اكلت نص حبه عشان كذا جابت نص ولد ..}يازيني ساكته
وكبرو الولدين وهاذا الولد الكامل ابوه بارد الوجه جابله حصان وسيف والنص ولد جابله عنز وسكين
وكل يوم يروحون يصيدون بعييييد
وتدرون هاك الزمان ماشي شي
وذيك الليله لقيولهم عجوز مرتعه عند غنمها
وجات عندهم بتشوف هم وشو من لحيه وقالت لهم انتو مين ومن اي ديره قالولها احنا فلان بن فلان
وقالت ياهلآآآآآ فيكم انا عمتكم اخت ابوكم وش حالكم
حلفت غير تمرحو عندي الليله.>انا اششهد انها راعيه واجب
وراحو معها ومرحو عندها
وقالت لهم نامو نامو هنيا ونص نصيص قالها انا ماعرف لازم انام فوق
ونام فوق ولمى نام جات عندهم وقعدت تلمس فيهم وتقول ماااش هذولا هزيلانين
وحس فيها الثاني وقال لاخوه نص نصيص خمننها مي عمتنا وقال انا لازم أتأكد
واليوم الثاني مانام وجات تلمس فيهم مرهـ ثانيه وراحت ولحقها بيشوف وهي وش تسوي
وطل عليها من الشباك ولقاها تاكل لحم ودخل عليها ودست اللحم وتمسح فمها وتقوله هاهـ وش تبي وش مصحيكـ
وعرفو انها مي عمتهم >>يحررق حتى زمان عندهم وحوش أكلين لحم البششر
وذلو واتفقو لازم يشردون من عندها واليوم الثاني باالليل شردو وعنز نص نصيص سبقت حصان الكامل
ورجعله وشاله معه..>>انا بس ابعرف كيف العنز تسبق الحصان المهم
وبعدين راحو لأهلهم وقالولهم القصه
ونص نصيص قال انا اجيبها لكم اذبحهاوابوه قال لا احنا وش نبي بالسعليه
والسعليه العجوز كان عندها دجاج وديك واحد
وكان نص نصيص كل يوم يروحلها ويذبح دجاجها ويشرد ويحط عند بيتها شوك والديك يصيح "قط قط نص نصيص يذبح ويحط" والسعليه تسمعه وتطلع وتطيح بالشوك وتجلس تنقش فيه وتقول لا وابعيني نص نصيح هج وولد ابوه ذبح الدجاج كله واخر شي قضى على الديك
وبعدين قرر يذبحها وأخذ معاه صندوق ويمشي ويقول حلاوهـ حلاوهـ لين ماوصل عند بيتها وهي تقول ياراعي الصندوق تعال تعال وجاء وقالتله اعطني الصندوق خلني ارعيه قالها لا انتي انزلي ورعيه هنيا ونزلت وحطها بالصندوق وقفل عليها ومشى فيه وهي تقول فكني فكني عشان اعطيك الذهب اللي مدري فين وهو يسجل واعطيك الحلال اللي مدري فين ويسجل لين ماقالت حلالها كله ووداها لأهله
جبتها جبتها اروني جبتها وابوه قال نحفر حفره هنيا ونشب النار ونرميها فيها
وأحرقو السعليه>>تهئ تهئ مسيكينه
ونص نصيص قال لأهله تعالو معي وداهم بيتها وسكن أمه بالغرفه اللي مدفون فيها الذهب الكثير وطلع الحلال ووزعه عليهم واعطى امه الكثيير

وأنتهت القصه وسلامتكم

مشكور ابو حسن

يعطيك العافيه يالساهر
على القصه
لك مني اجمل تحيه

مشكووووووووووووووووووووووووور

يعطيك العافيه على التعب في الكتابه