بسم الله الحمن الرحيم
يبني ربيتك تشيل جنازتي
يبني ذلاني الوكت ثق بجفاك
ودمعت فراكك حظنها وسادتي
افتح عيونك اجيتك يل وحيد
افتح عيونك عليك بداعتي
انا امك ما نمت يوم المشيت
وجيت يمك يبني اخذ راحتي
يبني تعبانة بكثر تعبي الي راح
بكد الك ماجاي تكثر حاجتي
يمه بجيت السماء بوكت الدعاء
انا ام وربي يدري بحالتي
يمة ونيت وجزع حتى الصديق
يمة وني عليك شيل جارتي
اعبد اللة وكل وكت اتنخة بية
وبل ونين انت الي صرت عبادتي
يمة حتى الباب بفراكك حزين
هاي منة حجاية موش حجايتي
عرفتك كبل لمك اروح
بيك ابشرها ونول بشارتي
ومن كطعت الظنة منك ونسيت
ارظة فراكك تظل طلاكت
هذا حال الباب جا كلبي شيصير
يمة راحة كل قواي وطاقتي
شلي بل دنيا وعيشن بيها ليش
الدنيا البلياك ابد مو مالتي
ساعة الموت الاخذتك مني
كون هسه تصبح صاحتي
بس ذليلة جنازتي خلافك ياحيد
متون غربة وكلفة مو تربايتي
يمة هم بكلب بكد هم العراق
ويمكن بثقل الفقر طركاعتي
راح اودعك ورجع لبيت اليتيم
الصاير اسود حتى من عصابتي
يمة نام وجف علي يظلل عليك
فاطمة تنخت عليها بحاجتي
راح ارد وتحسب ايام واجيك
بس اوادع تربتي وسجادتي
ارجو ان تنال اعجابكم ايها السادة الكرام
الثلاثاء ديسمبر 07, 2010 2:10 pm
