المرجلة

موكل من يلبس له شماغ رجال
المرجلة ماهيب في راس طايل
وش يفرق الانذال وعيال الانذال
كان الفعايل تشتبه بالفعايل
المرجلة عسرة ولاهييب تنطال
ولاتروح مع هبوب القوايل
ولاهيب مع رزت فناجيل فنجال
ولا مع كبر الصدور الجلايل
المرجلة ماجابها كثر الاقوال
وفلان قال فلان وفلان قايل
المرجلة عقل ومعرفة منزال
ماينزلونه غير روس الحمايل
ارقى على روس النوايف والاقذال
لوالزمن والوقت ياخوك مايل
يامعرب من صوب عمن ومن خال
يافزعة المظلوم وقت الهوايل
بالله انا طالبك لي وسع البال
والله يبدل ذالعمايل عمايل
تراالكرم ماهوب دله وفنجان
حتى الردي يذبح من الحيل حايل
لين جنابك واصفق الجال با الجال
وسجللك حضورك فالصفوف الاوايل
وصابه المرسول ياطيب الفعايل
وجنب عن دروب الردا والخمايل
وتصير من بين الرجاجيل رجال
وارقى مع الاجوادفي راس طايل
الشاعر محمد الهاجري‏‏ 

تسلم ايدك اخي على الابيات الجميله
دائماً مميز في مواضيعك
تقبل تحياتي

اشكرك اخي سلطان عذبتك معاي

ابيات حلوة تقبل تحياتي

اختيارك للموضوع يدل على المرجلة
اختيار موفق .......... احييك ياجار

ابيات جميلة اشكرك اخي ساكن حلاوة
تقبل مرورررري