بعد شتريد اسويلك؟
اصيرن شمعة واضويلك
بعد شتريد اسويلك؟
نسيت شجنت اطبخلك وشجنت انة احشيلك
اني اللي جنت البخلك ومن كل الالوان البخلك ومن كل الالوان اخليلك
وبالصالون اذب الالاف حتة بتسريحة حلوة اجيلك
اثاري الطبخ واللبخ ميفيد شسويلك بعد يمعود دخيلك ليش نسيت شجنت اسويلك؟
من جنت تعطش وينكطع الماي اكول لعيوني تبجيلك
واشربك من دموع العين ماي عذب يصفيلك
نسيت شجنت اسويلك؟
من جنت تتكلب وماتنام الليل اني اسهر والوليلك
والظهرية من تطفي الكهرباء اني اعرك واهفيلك
واذا بليلة مسج دزيت الم فلوس الكارت واعبيلك
ومن جنت تزعل علي جيش مشاية اوديلك
الظاهر نسيت شجنت اسويلك
من اجيتني بطرك دكان تبيع مصاصك ومساقيلك
كلت رجلي وراعي بيتي واجب علي لو ينكسر ظهري اشيلك
وحتة افتحلك محل بيه خير ابيع بذهبي وابنيلك
وماكفت فلوس الذهب رحت تداينت وما جيت يوم اشكيلك
وتسألني شجنت اسويلك؟
ومن صارت عندك فليسات صرت اني وجهالي كلشي منعنيلك
ومن اطلع اشتري خضورات تغافلني وتروح تلعب بذيلك
رصيدك خلص من المسجات يوم سمسم ويوم نمنم تقشمرهن بمراسيلك
واليوم اجيتلي ندمان تطلب سماحي وتتوسل اجيلك
تقشمرني بكلمة احبج من حبتك حية بعد مايعبر علي فيلك
شحسبالك احنة بمكسيك لو انت بمدبلج وتتفنن بتمثيلك
ما ارجعلك لو حتة تبني قصور روح بعيد انت وكفشتك وتواسيلك
وحق ذهباتي البعتهن مول لفتح يم محلك واشرد معاميلك
وحق شيباتي اللي من القهر طلعن لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك لو ذرة من الجنت اني اسويلك؟
الأربعاء مارس 23, 2011 10:13 pm
